الشاعر رضا ابو شنب
قصيدتي
(رغم جمال الكون في عنيها)
رغم جمال الكون في عنيها
تلقي ماليها الحزن تمللي
دايما ربك راضي عليها
لما بتجري عليه وتصلي
شايله هموم الناس بايديها
رغم الحوجه تقولك خلي
لو محتاج تفديك بعنيها
للغلبان بتحب تعلي
لما الدنيا بتجرح فيها
تذكر رب الكون وتسمي
ترفع عينها لفوق وايديها
انت لوحدك شايل همي
روحي بايدك لو تحييها
وتخليها يارب ارحمني
انت لوحدك عالم بيها
عالم حتي باابويا وامي
رغم جمال الكون في عنيها
تلقي ماليها الحزن تمللي
*******
رغم جمال الكون في عنيها
تلقي معاها الكون بيصلي
يركع يسجد جوه عنيها
وانده ليها تعالي يا امي
لو محتاجه لروحي خديها
انا افديكي بروحي ودمي
انتي عنيا اللي بشوف بيها
انتي ابويا واخويا وعمي
وانتي الكلمه اللي بغنيها
والقي الدنيا معايا تغني
انتي الايد اللي بدوب فيها
علشان شايله بايدك همي
وادعي لرب الكون يحميها
ويخليها في قلبي تمللي
ويخليني ابوس في ايديها
واحضن فيها وهي تسمي
والقي دموع العين تناديها
انا مشتاقلك والله يا امي
رغم جمال الكون في عنيها
تلقي ماليها الحزن تمللي
تلقى ماليها الحزن تمللي
