..........باختصار ...........
....... الجزء الثانى ........
..... من حرف ورد .......
بين الاستاذة منال النبوى
والعبد الفقير عونى هشام
==============
________ منال النبوى
أصل لما ...........تبقى راجل
دخل عليا ........... بكدبتين
لابسلى عمه ....عاملى فاضل
قايم ونايم .......فى الحسين
بين سلامنا.......... تحط حائل
مبدأك ............كان كله دين
في الحياه .....ولا كنت سائل
ماشى ...........ويا المداحين
غير كتير ..........من المسائل
كدب .....يا إ......... ال كدابين
وانت اصلا ......... حد فاشل
انت شيخ ............النصابين
قولت عندك ........كام عماره
واخده ناصيه......... لشارعين
ويا عزبه ..........وكام شاليه
والجناين.................... فدانين
والنهايه.............. القاك مفلس
هربان ...............م الديانين
شبكتك.............. كانت يدوبك
هما بس ............... الدبلتين
واقعتك كات...... واقعه سوده
يا منيل................ واقعه طين
ولاعمرى........... مره ماشفتك
يوم ركعت................. ركعتين
التدين ..............كان ستاره
تدارى كدبك................. اللعين
وانت عايش........ ويا حاشية
فى البارات.......... والرقاصين
سكة السلامه .............. يالا
بالتلاته ........... إرمى اليمين
================
__________ عونى هشام
الكلام فيه حد .......... فاصل
مين شمال............ ومين يمين
لما كان ...............الود واصل
كنت انا لك روح ..........وعين
النهارده ...............فى مسائل
وفى حساب.......... لازم له دين
والحساب.............. وياكى زايد
والشهود............... حلفت يمين
مش هاطول ....... فى اللسان
ومش هاقول.......... انتى مين
اللى يقرا .............هو حاكم
وساعتها احنا ......نقول امين
لاعمرى قلت.......... فى عمارة
معقول عمارة ........ ودبلتين
الكدب مش..... محتاج امارة
انتوا اصلا ............ كدابين
لاشفت فيلا....... فى المعادى
ولا جلست ..... فى البيسين
حيلتكوا كات ...عربة بطاطا
هيا دى ...........اخر موديل
الكلام حلو ...........ومزوق
بس كان .......ناقص له ديل
انتى ست ......ما شفت زيك
ماحصلتى...... بياعة الخضار
دى بتشقى...... عشان عيالها
وانتى .........بتهدى الجدار
اصحى من ...وهمك وعيشى
خايف نهايتك.......... تبقى نار
فاكرة اول يوم ..... ما شفتك
كان فى بيتكم ........ دق زار
النهاردة .............عرفت ليه
كنت واخده.......... معاك هزار
ياخسارة ............ياخسارة
عشان اسأت .........الاختيار
ولسه عندى ........كلام كتير
ودا موجز ............باختصار
================
__________ منال النبوى
القضيه ...............هى هى
والطلاق ............آخر قرار
فيه بلاوى.............. متداريه
كله جد............. مفيش هزار
حماتى قادره ......ومفتريه
بتلعب لعبة.......... ناس كبار
كل يوم ......واقعه جديده
خلت كل............. حياتنا نار
خلت جوزى ...ع الحديده
فيها فكرى........ كتير إحتار
قولت اصبر .....برضوا حبه
بس جوزى........... جاته كبه
خد جوازنا....... ياختى لعبه
كان متشعلق........ ع الجدار
رحت وراه ....وانا بتسحب
ولا متفاجأه..... ولا بستغرب
قولت أعمل...... عليه حصار
شوفت حاجه.. بجد تصعب
لما لمحنى.......... حب يهرب
مسكت فيه....... جارتى منار
كان وياها ...........وبيقابلها
شوفته بعينى........ بيحايلها
قال عليا .......حاجات كتار
قال لها................ مابحبنيش
وإنى حاجه........ ماتساويش
وإنه أساء ...........الإختيار
رحت أوام ....على أمه أجرى
لقيته حاكيلها..... ياكله مجرى
وهى بتضحك .......م الحوار
الخيانه كتير ..........فى دمه
والتشجيع جايله........ من أمه
وانا ف ورطه ........وف مرار
ياهدى قولى ...لو كنت مكانى
مش هايكون فيه ضرب نار؟؟
===============
__________ عونى هشام
كنت عارف........... م البدايه
ان دا ...............اخر الهزار
هيا خدت ....... السب غايه
واتقلب.............. لضرب نار
هيا هيا ........ مفيش جديد
والطلاق............ دا كان قرار
كنت شايف............ من بعيد
ماشية بدماغها.. مفيش كبار
هيا كات ........فاكرانى لعبه
زى العاب .............. الصغار
بس هيا ..........يادوب بنبله
استخبت................ جوه غار
فين حماتك......... وانتى فين
انتى كدابه .............. بيقين
عشان حماتك.. فى دنيا تانيه
وهيا مين.............. تبقى منار
هو انتى عايشه ....فى روايه
وعامله منها........... كام حوار
دى حياتنا ......... ياستى آيه
انتهت................. وبقت دمار
طلعى كل .......... اللى عندك
ياريت تزيدى كمان فى عِندك
ويا كدبك......... مين يساعدك
الا اذا كان .........دا (......ار)
لا قلت فيلا..... ولا قلت عزبه
ولا حتى قلت .......عندى دار
هيا بس.............. يادوب شقه
وجنبنا ...........م البخت جار
اهملتى............. بيتك والعيال
وانتى ومراته ...عاملين حوار
داهيه تاخد............... اى ست
يبقى بيتها ........يادوب مزار
الحياة وياكى.............. صعبه
عايشين فى كدب... ليل نهار
الحكم ..........صفر فى لعبه
والكارت لاحمر .....كان قرار
كفايه
===============
مع تحيات عونى هشام
و منال النبوى
