الشعر مش بيأكل عيش الشاعر / رضا أبو شنب (بيرم المصري)

الشاعر رضا ابو شنب 

(بيرم المصرى) 

قصيدتي الزجلية

(الشعر مش بياكل عيش) 

الشعر مش بياكل عيش

ولا حتي هيغطيك بقماش

الشعر يعني هتلبس خيش

وتعيش حياتك في الانعاش

*********************

يمكن يكون الشعر حشيش 

او حنه مخلوطه بخشخاش

او شربه او حبة براطيش

او كلمه بيقولها الحشاش

********************

يشربها يحلم بالطرابيش

ويترعش زي الرعاش

و يحس انه بيلبس ريش

مع انه قاعد في القشاش

*********************

ياكل بصارة وجبنة قريش

ويقولوا انه البيه فراش

ولما ياكل من التحابيش

بيحس ان معاه جلاش

*********************

لو قلت هات بيقولي مفيش

ويقولي نفسي اعيش ببلاش

والشعر الابيض عامله كنيش

و الواجهه محتاجه لنقاش

*******************

بيقولي نفسي اروح الجيش

واحط ايدي علي الرشاش

ولو هموت وبلادي تعيش

فصدقوني انا مش بكاش

********************

بيشوف بعينه لحد الشيش

ولو بعيد بيشوفها طشاش

معموله بصمة وعامل فيش

ويحبسوه علشان  غشاش

*********************

خليك صنايعي اكيد هتعيش

ده عم  بيرم مات ببلاش

وحتي لو هتجيب بقشيش

احسن ما تفضل في الانعاش

ده الشعر مش بياكل عيش

ولا حتي هيغطيك بقماش

ده الشعر مش بياكل عيش 

ولا حتي هيغطيك بقماش

الأراجوز بقلم الشاعر / رضا أبو شنب بيرم المصرى

(قصيدتي الاراجوز)

ولقيتني علي المسرح

قايم بدور اراجوز

من الصبح  بتنطط

وكأني فرقع....... لوز

معرفشي في المنطق

ولا حتي قولت يجوز

معرفشي حتي انطق

اصل  اللسان محجوز

ولا كنت حتي اسمع

واعمي بعنيا الجوز

بيغيرو في دوري

لما  الكبير بيعوز

خلوني مرة اضحك

والتانية ضارب بوز

رغم اني شعري اسود

بيطلعوني عجوز

ببكي واضحكهم

و اطلع بدور فيروز

واشرب كمان منكر

وامشي وانا مهزوز

وبجسمي بطوح

و امسك بايدي الكوز

وارقص علي بابهم

يمكن الاقي الموز

يرموني في حروبهم

بالموت لوحدي افوز

و يعلو في مقامهم

وفي داهية 100 اراجوز

                         ********************

وشايفني في الفنجان

بين البشر بتهان

رغم ان قلبي ابيض

اراجوز في دور انسان

من نفسي متخبي

ودموعي فوق خدي

واسكت لاني جبان

عايش في دور قهري

والاكل علي ضهري

وازاي اكون شبعان

بيقولوا شكلي جميل

رغم ان قلبي عليل

والهم هد الحيل

مسجون وانا السجان 

عايش في سجن كبير

مرمي في قلب البير

مغلوب وانا الغلطان

خايف من الاحلام

راضي اكون خدام

بضحك علي نفسي

يومي شبه امسي

ويطلعوني جبان

عايش في قلب تابوت

وكلامي كله سكوت

مخنوق ونفسي اصرخ

او يعلي مني الصوت

واقطع لجام فرسي

واسرح مع الملكوت

واتحدي اي ظروف

واضرب بسيفي الخوف

يمكن ساعتها يموت

ويقولو دنيا حظوظ

مات اللي كان اراجوز

                      **********************

يا أمراءة بقلم الشاعر /إبراهيم الدسوقى

يا امراءةً في الهوى ملّكتها أمري

         لا ترحلي عن فؤادي أنت لي قدري

ذاك الفؤاد الذي بالحب قد هلكَ

        إن تاق يوما لخلٍّ يشتهي قهري

ما كنت صبًا ولا كان بعدك الأملَ

       قد كنت دوما أتوق القرب في سهري

كل القصائد في شعر الهوى شعري

      كل القوافي على حرفٍ هيٰ سطري

أنا الغريق وأنت المنقذ الوجد

       كيف الولوج لشطٍ قد حدا بحري

من قال إن هواك قد غزا شطّي

       إن الهوى قد محا من مقلتي فجري

هيّا إليّا فإنّي لست هاجرًا

       إن أنت يوما تمتّْعْت الجوى هجري

أقبلْ على دارنا إنّ الهوى حارَ

      شوقي عنيدٌ.. فؤادي في الهوى أسري

يا فاتني إنّني للأسر منساقُ 

     أين القيود التي ماجت على كسري

سطِّر على قلبى دمعًا من الهجرِ

         ليلي طويلٌ خالٍ..ليس من  فجرٍ

إني المتيَّمُ والأشواق تقتلني

        والوجدُ حين النوى بين الدما يسري

إبراهيم محمد دسوقي