اسم فى البطاقه
=========== عونى هشام
نافش شواربه ...........وماشى متكبر
وفارد خطوته.........................لابعد مد
بايع قرايبه.................... ناسى هو مين
باسط نفوزه .............بغش لابعد حد
لاشفته يوم................. الفجر قام صلى
وعامل امام ........والسبحه ماليه اليد
لا دق بابى ..................مرة ووصلى
ولا قال دى اختى......... والدم مادد مد
البطن واحده................ والنسيج واحد
غزل خيوط النسيج ......وتاه فى العد
قفل بيبان الود .................وقاطعنى
وبنى بدل الجدار..................... كام سد
الام شالت .................والحمل ميلها
والاب سارح ...............بالعرق والكد
وف لحظه من ها الزمن..... راحت الام
جاها القدر ...............لبت نداء الرب
اخدته فى احضانى ....وقلت دا اخويا
رماني بالاشواك .......خلا حياتي كرب
ابويا عجز .................ولانه وحدانى
اخدت فاسه....... وزعت انا في الارض
واخويا مع شلته.......... سهران صباحى
لابس نضيف ابهه ...وحاشيته كام فرد
فارق ابويا......................... دنية الاحياء
وبدون حياء.......... غصبنى ابيع الارض
اخد الفلوس .................كلها وسابنى
لا همه ايه العفه ....او الشرف والعرض
البطن واحده............................... يا ولد
خُد الفلوس كلها........ بس صون العرض
بقت العيون ...........حواليا محوطانى
زى الديابه ع الفريسه..كله نفسه يعض
وانا بايمانى .......... .......ربنا ساترنى
واقيم عقيدتى......... سنة جنب الفرض
وف يوم نادانى الشوق وقلت رح ازوره
رجعت ابكى ...............دم فوق الخد
اخويا بقى بيه ....ووجودى بقى شبهه
وانا اللى شيلته..... وقلت اصون الوعد
الدم بقى ميه ............والاخ غير الاخ
مسحت دمعته ...............وهو ابكانى
سترته أنا........................قام هو عراني
لا شاف دفنة ابوه.......... ولا جه عزانى
ليه يا زمن ...............ليه تكون جانى
نسيتني اسمي ...........كرهت عنواني
وانا ف مكانى ..........نبت هذا الارض
مش كل اخ ...........فى البطاقه اخوك
لو حتى كان..................... الدم هو الدم
فى ناس كتير ........اغراب لكن حبوك
وناس قرايبك ...........تزيد عليك الهم
_____ وعجبى
#عونى_هشام
