#مش_بنت (الجزء الثاني)
#بقلم_آيه_عادل
لقيت حد دخل الاوضه اللي انا فيها وبيخبط علي الباب وبيفتح باب الحمام بس انا متربسه علي نفسي من جوه ، كنت مرعوبة
رحمه : مين بره
سحر هانم : انا يا رحمه ، بعد اذنك بعد ماتخلصي عايزاكي فوق في اوضتي اطلعيلي
رحمه : من عيني يا ست هانم
ارتحت اول ماسمعت صوتها ، ست سحر ومحسن بيه ناس في قمه الادب والاخلاق طلباتهم معروفه وواضحه ومش بيزعقو ومش بيهينو ، خلصت وطلعت للست هانم
سحر هانم : رحمه كنت عايزاكي في حاجه
رحمه : انا تحت امرك
سحر هانم : هو محسن بيه وهو بيشرب القهوه حد رن عليه جاتله مكالمه كده ولا كده
رحمه : لا يا ست هانم هو كان قاعد مستني القهوه في البلاكونه ودخلتهاله وكمل قرايه في الجرنال
سحر هانم : بصي يا رحمه انا عايزاكي تركزي مع محسن بيه اوي وأي مكالمه تحسي انه بيكلم ست ولا حاجه تيجي تقوليلي وانا هديكي حاجه محترمه اوي
رحمه : متشكره جدا ، حاضر من عيني يا ست هانم بس يعني محسن بيه راجل محترم و...
سحر هانم : مالكيش دعوه اعملي اللي بقولك عليه يا رحمه لو سمحتي ، خلصتي اللي وراكي ولا لسه
رحمه : خلصت كل حاجه يا ست هانم
سحر هانم : طيب معلش انتي هتقعدي شويه عشان جايلي ضيوف وانا هروح للكوافير وهاجي علي طول مش هتأخر ، خدي الفلوس دي حق تأخيرك
كنت قلقانه ومتوتره طبعا مش عشان امي هتقلق عليا لا خالص دي لو عليها عايزاني اروح في داهيه المهم الفلوس ، خرجت سحر هانم وكنت لوحدي في الفيلا ، لقيت عمار رجع تاني البيت وقالي
عمار : بقولك ايه يا رحمه اعمليلي عصير برتقان
رحمه : حاضر
عمار : هي فين ماما صحيح وفين عامر اخويا
رحمه : مامتك راحت للكوافير وعامر في النادي
عمار : يعني مافيش حد هنا
رحمه : العصير يا بيه
عمار : عصير ايه ، رحمه ماتيجي معايا سكه وانا هبسطك
رحمه : انت ايه اللي بتقوله ده يابيه ، عيب انا فقيره اها بس شريفه ومستحيل افرط في نفسي
عمار : اسمعي كلامي ، هجيبلك شقه وهقعدك من الشغل والبهدله دي وهتبقي حاجه تانيه
رحمه : تتجوزني يعني
عمار : اتجوزك اها اها اتجوزك تعالي بقي
اتهجم عليا والله حاولت ادافع عن نفسي معرفتش
الام : اسمعي يا بت انتي هتتجوزي المعلم سيد يعني هتتجوزيه
رحمه : انتي ايه ده بدل ماتاخدي حقي من الواد ده عايزه برضو تجوزيني
الام : مالكيش فيه انا هتصرف يا رحمه وهتتجوزي كمان اسبوعين
رحمه : ابوس ايدك مش عايزه الراجل ده
الام : يا بت اخرسي كفايه عارك ......
يتبع
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.