قطن وشاش
........؟!!
ياراكب مهرك الأعرج
من الدنيا ماتستناش
حصان كسبان
ولا الخلان
ولا فرحة بدون أحزان
ولا ضى العيون يشرح
فى يوم صدرك
ولا مين يشترى خاطرك
فشيل ليلتك
وعيش قدرك
وغير نبضك
ونور ربك
ماتستناش
يغور الكذب وسنينه
وزيف العشق وحنينه
وحضن كبير بيستمتع
بموت روحك
ومص الدم من قلبك
ولو لحظة هتتأوه
يكون كبريت على جروحك
فلم الباقى من نبضك
وصون عهدك
مع الصادق
مع الطيب
وشيل إيدك
عن الأوباش
ياراكب مهرك الأعرج
حنانك فى السبق خسران
حماسك إيه يكون قيمته
وجنبك إكس بيقشك
يدوس خيرك
يدوس عشك
فمين خدعك
ومين غشك
وخلاك تجرى لنهاية
ماتضمنهاش
بتشلب دم من جسمك
فمين طبطب
ومين حسك
زعقت بكل عزم الصوت
رافقت الغدر
عشت الموت
وتسقى الكل شهد الروح
شح الحب بين الناس
وشح الحق شح الخير
تنادى ع الدفا فى الناس
يامخنوق واتنبح حسك
يمين الله لتتمهل
وحوش الآه
ولا تقولهاش
وسيب الخلق للخالق
وطبب جرحك النازف
بقطن وشاش
سيد فؤاد
Sayed Zeater
مؤسس المصب
مساء الأثنين
2022/8/8
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.