قصيدة / وعهد الله
...........
شعر/ محمود فؤاد
...........
- وعهد الله..
- مانيش بايع ولا شاري.
- وكنت في قلبي متداري.
- وكنت حنيني وحناني.
- لكني عرفت من تاني.
- طريق الآه.
- وعهد الله أنا كنتك..
- وعمري يا قلبي ما خنتك.
- حاولت كتير أرسيك على جرحي.
- لكن فيك قساوة تهد ما تبني.
- وعهد الله..
- في يوم عديت على بابك.
- وقلبي يدق أعتابك.
- لا كان منك غير النشوة.
- بكسرة قلبي والشكوى.
- ومهما حاولت أراضيك.
- يزيد الشوك أراضيك.
- واقول لك بس إيه تاني.
- وعهد الله مانيش صابر.
- وأصبر ليه على الحرمان.
- وادوس قلبي واقول قادر.
- يعيش من غيرك الأحزان.
- وعهد الله خلاص هانت.
- وأخرتها أهيه بانت.
- لا كنت في يوم من الثائرين.
- أقول كنا وأقول كانت.
..........
شعر/ محمود فؤاد
الخميس ٢٠٢٣/٩/١٤
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.