مليون مبروك ياريس
وياريت تخلي بالك من الداخل
بجد بجد تعبنا والغلا تعبنا
----------------------------------------
سيبوني
احب بلدي بطريقتي
احبها بقلبي و عيوني
سيبوني
نفسي اشوفك يابلدي جنة
والعدل فيكي حنة
منقوش علي الكفوف
سيبوني
اشاور علي الحلو فيكي
وانقض اللي جوعوني
سيبوني
اطلع اللي جوايا
من غير قلق أو خوف
اصل الجوع كافر
تالت مرة اخترناك
وبقلوبنا وقفنا معاك
وبقالنا كتير متحملين وبنعافر
عشر سنين اشغال وشقي
لكن الفقر و الغلا
زادوا قوي علينا
عضم الفقير انطحن
ومش. شايلانا رجلينا
طيب خد. استراحة محارب
نمسح عرق الشقا بأيدينا
انت ما بتتعبش
ولا انت مش زيينا
شغل مافيش فلوس ما عنديش
ومش عارف اعيش
وعندي اورطة عيال
معدتها ما سكتاش
طيب قولي اعمل ايه
اعمل زي اللي عملوا
وبقوا كتير قوي
اتاجر في والممنوع
وتمسكونا وتعلقونا وتحبسونا
اقولك اسجنونا أيوه اسجنونا
الأكل هناك ببلاش
طيب عندي فكرة حلوة
موتونا أيوه موتونا
موتونا وقطعونا وصدرونا
قطع غيار
علي الأقل هنتباع بالدولار
ويبقي عندنا ماركة
ولحمنا اتباع غالي
وما راحش ببلاش
ياللي انت قولت انتو نور. عنينا
خلي بالك مننا وحن بقي علينا
اصل الجوع كافر
بقلم
احمد محمود
من ديوان بنا حروف
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.