كرونا * كرونا
كرونا حبيبي بس افتكرونا
سلم من بعيد من غير ما تلمونا
دا وباء خطير ولا في الاساطير
لا بيفرق بين غني ولا فقير
وصاب الريس قبل الخفير
عمال بيحصد في ارواح الملاين
ملوش علاج عند الاطبا
ولا قدرة عليه امريكا
ولا حتي علم الصين
ارحمنا يا قدير ارحمنا
ارحمنا تعبنا من كتر التفكير
والكل هنا وهناك اعلن النفير
يا ترى الشر ده من صنع البشر
ولا تذكرة من رب العالمين
عشان نفتكر ربنا
ونرجع للطريق المستقيم
ارحمنا يا قدير ارحمنا
من هذا الوباء الخطير
دا حتة فيرس صغير
هزم مليارات البنئدمين
وطاح بكبرياء الطغاة الظالمين
ارحمنا يا قدير ارحمنا
وخلينا نفوق كده
ونلقي نظرة عا الناس الطيبين
ونلم الشمل ونحب بعضنا
حب فيه دفي وحنين
دا اللي في قلبه حبنا
هو اللي هيفوز برحمة ربنا
******
* كلماتي خالد حجازي *
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.