اسكتى
مش برضه لقيت من حبك ياما
كتير درراويش
قاعدين على بابك
عايشين ف الهيش
دراويش
وهموم مصروره ف شنة عيش
وهدوم هلاهيل
قاعدين يستنوا طلوع الفجر
يقوم مايجيش
مجازيب والله ف حبك ليش
وانا كنت انا فاكر
وحدى مفيش
ومفيش غير قلبى انا شايلك فيه
فلقيتنى انا اصغر واحد حبك
وسط الدراويش
مدددددد ياست ياطاهره
انا الدرويش ومفيش
ومفيش ف القلب غير انتى مفيش
حواليكى قلوب صايناكى تعيش
اوعاكى تخافى اليوم ماتخافى
راسمينك جوه قلوبنا وهبنا
العمر لعمرك لجل يعيش
ومفيش غير حضنك ايوه يساعنا
احنا الدراويش
عاشقين موالك
لو مهما اتغير ابدا حالك
ماحناش هنفرط فيكى ف لحظه
قلبنا والله لحبك صافى
درااااويش
قطر الدراويش
مكران مايجيش
وقف وقف كده من فضلك
واقفين من بدرى نقول لجنابك
وسنين بنشاور تفتح بابك
ورينا جرابك
ياما فيه حواديت
وحلمنا الفجر يكون وياك
يطرح ويغنى نغنى معاك
مش برضه حبيبتي قالت لجنابك
دراويش ف رحابك
فى ايه قلنا طب خدنا معاك
وبقالنا سنين وبنستناك
بيقولوا ياناس الشوق غلاب
ننده ماتجيش
مااحنا العاشقين
عاشقين لغناكى لحد الفجر
مايطلع تانى
ينده بشفايفه على الدراويش
دراويش
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.