الغربـــــــــــــــة
ابنى سافر
زى اى شباب مسافر
زى كل الناس لما تغرق ف الشقا
تفضل تعافر
ااااه يابلدى
الانين ف الغربه ياامه شئ مخيف
شئ يدوب صبرنا جوه الحناجر
السكات والصبر واحد اصدقاء
مسجونين ف الحلق لكن مقهورين
ابنى عارف شنطته ومكانها فين
حفظت ملامحه وشكوته طول السنين
نفسه حلمه يمد ايد ه يحن ليه
اوف مرة يبصله يشتاق اليه
ابنى كان بيحبها ياما باسها وضمها
زي ماحنا حبيناها
نفس المعاد يوم السفر
يسمع انين الدمع يومها ف الشنط
اربع عيون بتنز دمعات الفراق
دمعة ابوه مع ضمته ويشم فيه
بس امه دمعها فاق المطر ب كتييييير
قلبها م الشوق ضناها ولفته
جوه ف جيوب الهدوم وصته
وقت الشتا
يبقاله يومها البطانية والدفا
واما حر الصيف يهل يحضنه يومها الربيع
واما ييجى الفجر يسمع قلبها تدعيله
وتقول يارب انت اللى شايفه احرسه
وارزقه على نيــــته اديله
ابنى سافر
يومها بكيت عينى وامه
م البكا حسينا يومها
اللقا وقت الفراق شئ عصيب
والله ياابنى هتوحشك ضحكة ابوك
والمناكفة والهزار
والخطيبة البنت لسه
اصلها مش واخده ياا بنى ع الفراف
دمعتين اخته واخوه
بص شوف مركونين جنب الشنط
مشتاقين لايدين تجفف دمعهم
فوق الخدود وحشتهم الندهه عليهم
قوم ياابراهيم نادى اختك فز قوم
الفراخ ف ايديا سخنة
قوموا ياللو وحضروا هاتو الصحون
وانتى يااما جبتلك ياامه العلاج
قومى ياللى وصحصحى كده وادعيلى
يادى السفر
كيف اسافر بس ياامه غصب عنى
قلبى ياامه بيبكى ياامه لما اسيبك
مش بكيفى زى اى شباب مسافر هيه ياامه عشها مبقاش يساعنا
غصب عنها
طاردة كل عصافيرها بره
يلقطوا ف حبوب مزلة
قاعدة تتحسر عليهم
نفسها تدور عليهم
بعد ايه
الغراب دهوس حيطان العش ياامه بعد ايه
عايزانا ليه
انتى حبيتى الغراب وعشقتى فيه
بعد ايه ياحبيبتى تانى تندهيلى واعمل ايه
الاكاده انى جبيبك بعتى فيا
الغراب غرك كلامه انك انتى هتبقى قد الدنيا ديه
وانتى واخده ع الاغانى والامانى والحاجات المختفية
بص ياابنى لو ف مرة رجعت تانى والتقيتنا
ع البيبان مستنينك
يبقى نشكر ربنا ادانا عمر ف يوم نشوفك
نحضنك نملى عينا برؤيتك
وان رجعت ياضى عينا مالتقيتنا
اجرى وادخل قوضتك انت هتلاقينا ف الهدوم
متعلقين
هتلاقينا ريحتنا فيهم زى ريحتك
حط ايدك فى الجيوب هتلاقى فيها المصاحف
ويا دعوة بتحرسك م الغراب
واوعا تنسى ف يوم تسامح
هوه ده ياحبيبى ورثك مننا
هوه ده ورث الغلابة
اشكرك الشاعرة الجميلة
ردحذفالاستاذة نسرين