ناني
.....
مش كنتي ياناني مهاوداني؟!
وجنانك من نفس جناني ؟!
مين غزك (دلك)على هجري ووزك؟!
فحودتي عالشط التاني
.....
خدي بالك لو مين أنا قده
وهاسيبله حبلك وهامده
وقاعدله ومش ممكن أصده
دا لوحده منك هايعاني
.....
وهتيجي وتقولي الحقني
بعدك دا مرار نار تحرقني
الحقني في بحرك غرقني
سكينة وكانت سارقاني
......
وساعتها هاقولك مش وقتك
أنا ياما سامحتك ولحقتك
وف ضعفك عمري مافارقتك
في ثواني ألقاكي بايعاني
......
عذراً أنا رغم الأشواق
وبحق جراحك و فراق
لو كوني من غيرك ضاق
سامحيني راح أكون الجاني
.......
تحياتي ..المنقرظاتي
علي فاروق علي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.