كلمة تقتل أحدهم بقلم الكاتبة / أية عادل

كلمه تقتل أحدهم 

الكاتبه آيه عادل

ليه يقولولي ياعديم التركيز يافاشل .. ليه اسمع تنمرهم عليا وأصبح ماده خام للسخريه ، كل ده كنت بتقوله لنفسي وانا ماشي ناحيه كوبري قصر النيل بعد ماشبعت كلام سخيف وانتقادات علي شكلي وعلي حياتي 

حتي تعبي النفسي اتعايرت بيه ، عشان كده قررت اخلص من كل الوجع والألم ده وانهي حياتي بنفسي ...

خلاص انا كتبت جواب لأهلي وحطيته في المحفظه اللي سيبتها جنب السور خلاص وقفت وعلي استعداد اني اقابل الموت بكل هدوء ...

عوض 

استني يابني انت بتعمل ايه ، لا حول ولا قوه الا بالله العلي العظيم عايز تموت نفسك يابني عشان مين وليه .

احمد 

سيبني انا مش عايز اعيش وسط المنافقين المتنمرين ، كل واحد فيكم شايف نفسه كامل مكمل مافيهوش غلطه ، كلكم بقيتو أولياء الله الصالحين مابتغلطوش وانا الوحش اللي ماعنديش اي ميزه 

عوض 

طيب علي العموم يابني الانتحار ممكن يتأجل نص ساعه ، تعالي معايا ، تشرب شاي 

سكت وقعدت جنب الراجل الطيب اللي عرفت أن اسمه عوض ، كان شخص ملامحه مريحه نفسيا ، لقيته قالي 

عوض 

قولي يابني انت عندك مشاكل صحيه أو مرض معين 

احمد 

لا انا سليم ماعنديش اي مرض 

عوض 

طيب انت متعلم 

احمد 

ايوه انا خريج كليه تجاره وبشتغل محاسب في شركه 

عوض 

يعني انت صحتك سليمه ومعاك شهاده وبتشتغل ، كل ده جاوبتني عليه من غير ماتذكر الله في جمله من اللي قولتها ماقولتش الحمدلله ليه يا احمد 

احمد 

جايز نسيت ، الحمد لله علي كل شئ

عوض 

اهو السلبيات تملي تنسي الإنسان الإيجابيات ، اسمع يابني انا عارف ان فكره الانتحار دي ماجتش من يوم وليله واكيد اتعرضت لظلم كبير وصلك لكده ، بس تفتكر ربنا اللي خلقك هيسيبك

احمد 

طيب هو ليه سايبني اعاني ليه مش عايز يبعد الناس اللي بضايقني دي عني ، ليه انا يحصلي كده اعز صحابي يبيعني ويغدر بيا ، وحبيبتي تسيبني عشان شاب تاني اغني مني وناجح عني ، ليه اهلي يقولولي يافاشل واخواتي يتنمرو عليا ويتريقو علي لوني وعلي جسمي ، انا ماليش يد في كل ده فين ربنا في اللي بيحصلي ده ...ساكت ليه رد عليا ، طبعا مش لاقي كلام تقوله تهديني بيه صح 

لقيت عن عوض ساكت وعلي وشه ابتسامه غريبه جدا ، واخيرا اتكلم وقالي 

عوض 

ربنا موجود حوالينا يابني ، جايز انت مريت بحاجات كتيره نسيتك رحمه ربنا ، ربنا هو اللي خلقك سليم ماعندكش امراض زي غيرك اللي بيعانو من أمراض خطيره ، ومع ذلك عمرهم مافقدو إيمانهم بربنا ، انت متعلم وربنا كرمك بسلاح العلم وغيرك ماجتلوش فرصه أنه يتعلم وبيتمني أنه يتعلم ويعرف يقرأ ويكتب ، انت ربنا كرمك بوظيفه تدخلك فلوس تعيش منها غيرك نفسه في فرصه شغل عشان يصرف بيها علي نفسه علي أسرته ، كرم ربنا محاوطنا يابني احنا مستورين ومش حاسين تملي بنفكر في الجانب السئ ، اقولك علي حاجه يا احمد بسيطه تثبتلك أن ربنا جانبك وبيحبك ، تفتكر مين اللي بعتني في الوقت ده عشان انقذك من الانتحار وماتموتش ، مش ربنا 

بقيت ساكت ومش عارف ارد ، ازاي انا مافكرتش في كل ده حاسس اني كنت مغيب ، بصيت لعم عوض وقولت 

احمد 

انت عندك حق ، بس انا حقيقي كنت تعبان اوي من كل اللي حواليا 

عوض 

صلي يابني وقرب من ربنا وخليك مؤمن ، وأثبت لكل اللي حواليك انك ناجح ، الصاحب اللي غدر بيك ابعد عنه وأديك اتعلمت ان مش اي حد تقول عليه صاحبك ، البنت اللي سابتك وفضلت غيرك ماكنتش ليك من الاول والله اعلم ربنا شايلك ايه ، اما بقي اللي بيتنمرو عليك وعلي شكلك قولهم كلمه واحده بس ، لو تعرفوا تخلقو ظفر من ظوافري وروني قدراتكم ، خلي عندك ثقه في نفسك يابني ، واوعي تيأس من رحمه الله 

كلام عم عوض جه في الوقت المناسب وخلاني اشوف حاجات كتير ماكنتش شايفها ولا حاسس بوجودها 

احنا محاطين بنعم الله ، الصحه و الستر والمال والبنون والعلم ، كل دي حاجات احنا محاطين بيها 

مشيت وسيبت عم عوض بعد ما اخدت درس عمري ما اقدر أنساه ، ومن اليوم ده بدأت حياتي من جديد

روحت البيت وشكرت ربنا وقررت اشوف نفسي جميل واستاهل الحب والدعم من نفسي ، قررت أطور من نفسي وانجح واحقق انجازات ، شوفت الدنيا بمنظور تاني ولما شوفت نفسي استاهل الحب والإعجاب كل الناس شافتني بنفس النظره 

محدش هيحس بقيمتك لو انت ماحسيتش بيها 

محدش هيقدرك لو انت ماعندكش ثقه في نفسك ، ابعد عن اي مكان يسببلك طاقه سلبيه واقوي وحاول وانجح ، ابعد عن اي شئ يدمرك نفسيا وجسديا ، اوعي تستلم لكلام الناس وافتكر أن الكلمه قادره تقتل وقادره تقوي ، الكله سلاح ذو حدين خلي الكلام يقويك .

النجاح هيغير نظره الناس ليك ، وخلي عندك ايمان بالله وبقدرتك اللي كرمك بيها  ..

تمت 

مع تحيات الكاتبه ايه عادل