الشاعر رضا ابو شنب
قصيدتي الجديدة
(مات الضمير يا عرب)
مات الضمير يا عرب
والبيت بايدنا اتخرب
مات الجنين و حزين
ايه ذنبه لما انضرب
فين العرب نايمين
زي اللي جوه الترب
ماتت ولاد حطين
والدم شربه العرب
الدم دم جنين
معرفشي يوم الهرب
ولا قال في يوم عايزين
ولا حتي صابه الجرب
موعودة يا فلسطين
بتموتي من غير سبب
الوش بقي في الطين
ومنين نجيب الادب
شوفنا اليH ود خاينين
شفنا النبي اللي اتصلب
من غير صلاح الدين
ماتت ولادنا في حلب
ملايين تجيب ملايين
بيحبوا عيشة الطرب
ويقولوا مش عارفين
ولا حتي شفنا العجب
شايفين ومش شايفين
حسب الكبير لو طلب
وبيدعوا عل الظالمين
وبيقتلوه في الخطب
الوقت لما يحين
هيموت قليل الادب
نرجع ليوم حطين
والحرة تبقي بشنب
يا ناصر المساكين
العربي اخره الشجب
وان قال كلام بيدين
ويصوم بداله في رجب
انصر يارب الدين
انصر ضعيف اتغلب
رجعلنا فلسطين
واكفينا غدر العرب
رجعلنا فلسطين
واكفينا غدر العرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.