عايشين بالطول والعرض
ما نعرفشى ف الحق
احتمال ولا فرض
الحياة صاينة لينا تملى
العرض
ولا نعرف خوف
دايسين ع الخوف بحيطانا
وبحيطانا
ندارى ع الجار
لو اتعرى
غازلين بخطانا حيطانا
بالحب
بالوفا
بالسلام
والسلام سلام وقت السلام
ووقت الحرب
ع السلام يالا السلامة بخطانا
ياللى ما متعرفش معنى الكلام
الكلام له معنى
والتاريخ يجمعنا
من وقت فرعون
عارف لنا معنى
لأخر ميعاد ميعاده
والتاريخ
ما يعرف
يغش
لا يخبى
ولا يكدب
واللى ما يعرفش تاريخ بلاده
معلش
اكيد يبقى ابن حرام
...........................
صعايدة
ع الهوارى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.