خطوط حمرا
.......................
(( آه يا وجع القلوب على
الأوطان
صار ربيعها خراب وهدم
للبنيان
واللى زرع الوجع وشرد
أهاليها
بعد ما جمع الثمر كسَّر
الأغصان ))
............................
يا أمة نايمة وخايفة من
حسونة
مهما الفتوة طغى أخرته
محتومة
كفر الدهاشنة كم ذلهم
عتريس
وفؤادة كانت تحت السلاح
مغصوبة
أهلك غلابة طول عمرهم
حرافيش
دفعوا الإتاوة قهر والمشنقة
منصوبة
الموج عالى والفتنة نارها
م بتخليش
وسلاح الغرب صار قرد
وبومة
ضاعت بلاد على يد خونة
مع دراويش
وشعوب لاجئة والعيون
مكسورة
عاش اللى قال اموت وشعبى
يعيش
وتكون بناتنا فى أمان
مستورة
كرامتنا دم وروح دا مش
تهويش
وخطوط حمرا ع الحدود
مرسومة
يا وطن حر ياللى شعبك
جيش
ياولاد بهية اصبروا أمكم
منصورة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.