๑۩۞۩๑ بحبِك موت ๑۩۞۩๑
علمتيني أكتب شعر
و انا اللي عمري ما كنت شاعر
خليتيني زي نـهـر
أفيض بِـ حُبِّك و المشاعر
كنت قبلِك حد مَيِّت
لما شافِك .. فجأة قام
و السنين مرت و عدِّت
مش فاكرهم حتى كام
فجأة شفتِك ..
زي نجمة فِ السما
بتشِعّ ضَي
نفسي اروح لِك ..
و اوهبِك
عمري اللي جاي
بس شاوري ..
و ابقَا فوراً بين إديكي
إنتي بس تؤمري
إسرقيني بنظرة واحدة
من عنيكي
إرسميني وردة حلوة
فوق خدودك و افرحي
إكتبيني فِ كل غنوة
يالا قولي و صرّحي
م اللحظة دية
انا كلي ليكي
و هابعت روحي تناديكي
يا ست الكل يا أميرة
ما تيجي ف حضني اخبّبيكي
يا أولى و تانية و أخيرة
بادعى ربي يحميكي
بحبِك موت !!
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.