يا نفسي قوليلي فين نفسي
انا تعبان
وليه مش قادره يوم تقسي
علي الاحزان
انا هوا اللي مش هوا
ووجعي يعلمه هوا
مافيش فيا خلاص قوه
وجرحي مزع الشريان
انا تعبان
يامر الصبر مايهمك
مرارك عادي خدت عليه
ده احلي مادوقت كان منك
وهازعل ليه
انا العادي اني اكون حساس
واكون ديما قريب من الناس
وافرق ضحكتي ليهم
بكل الحب والاخلاص
ووقت الشده مالاقيهم
طبيعي الطيبه دي بتنداس
برحب جوا من قلبي
علي دموعي اللي فوق خدي
وديما جنبي بتبيت
ويحضن في الانين نبضي
واسلم روحي وانا عايش
لروحي هناك وانا ميت
------محمود بكر ----
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.