بمناسبة عيد الام القصيدة اهداء مني لامي ست الحبايب واختي حبيبة قلبي ولكل امهاتنا جميعا
ربنا يديهم طولة العمر ويرحم اللي فارقونا ❤❤
______________________
امي
امي مهما كتبت عنك
الكلام هيزيد يوماتي
انتي شيئ بحتار ف وصفه
احلا شيئ نور حياتي
انتي عيني وانت روحي
انتي قمري وانتي شمسي
انتي اغلا حاجة عندي
وانتي بكرا وانتي امسي
ومين غيرك هيوهبني
حياة وعزيمة جوه الروح
ومن خيرك بعيش واحيا
ومن طيبتك بداوي جروح
يا امي يا دنيا بنعيشها برؤياكي
ونصبر ع الصعاب بيكي وبدعاكي
ونفتح للحياة ايدنا واحضانا
وندعي ان احنا نتجمع
فيحلا العمر وياكي
امي
وجودك يااما في حياتي
بيملالي الطريق انوار
وجودك يعني ضحكتنا
وجودك احلا خير ف الدار
بشتاقلك دايما من شوقي
انا قلبي بيصرخ ويهاتي
وكأن الهم ازداد فوقي
فكتبت عليكي ف ابياتي
ان انتي الجنه يا نور عيني
وانا عايش لجل ان ارضيكي
لما ازعل ياما تضميني
ارجوكي يا امي تخليكي
وانا اعشلك راكع تحتيكي
وهكون ع طول ياما معاكي
سبحانه المولي مخليكي
عصافير الجنه متبعاكي
ان كان ع الروح ياما فداكي
وفداكي الدنيا يا دنيتنا
طب دا انتي النبض اللي ف قلبي
اقسملك انتي امان بيتنا
هنسجلك من جسمي امانك
واعملك فرحه تكون قدك
انا عمري يهون ياما عشانك
ولا دمعه تمس ف يوم خدك
انا لحمك دمك وانا فرحك
انا منك بتجيني القوة
انا زرعك جمعك وانا طرحك
ومكانك قلبي دا من جوه
يلي انتي حنانك مش لاقي
في كلامي كلام وصف بقوة
لو فاتو سنين ياما حنانك
بيعيش ويكون زي ما هو
سامحيني عشان بكتب عنك
بكلام ميلقش في يوم بيكي
ف ازاي انا بوصف في جمالك
وكلام المولي محليكي
يلي انت نويت وبتقرالي
الام ما ليها الا عيالها
يشيلوها ف عينهم يحموها
دول هما حياتها وراس مالها
___________________
متبخلش برايك
#ادهم_المصري
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.