- ليمونة واحدة والبلد قرفانة ..
- والهم كاسي والأرض عطشانة..
- وإن كان في قلبك أمل..
- صدقني دي جبانة..
- يا شمس بكرة مافيش..
- كل الحكاية تناتيش..
- واللي ما لوش في الخير..
- ع الكرب ياما يعيش..
- افرد جناحك ..
- يالا طير طيران..
- حزن الشفايف شبر..
- حزن القلوب فدان..
- والبسمة ان حانت..
- لها م السواد ألوان..
- طبطب على قلبي..
- بشويش كده وسمي..
- كل القلوب اتجرحت ..
- وانا هاشتكي لأمي..
- يرضيكي كده حالي..
- والضحكة اللي يوم كانت..
- تداري في كمي..
- كبرت ولا خلاص..
- حلق المرار علقم..
- أشكي لمين الناس..
- والكل بقي علقم..
- كاسي اللي انا اخترته..
- في الشرب بقي علقم..
- ليمونة واحدة..
- بس أنا اعمل إيه؟ ؟!!
- من كتر ما عصرتها..
- زاد القرف من إيه؟؟!!
- لملم شجونك سطر أو سطرين..
- كل البشر في الهم..
- دايرين يقولوا ليه؟؟!!
..........شعر/..........
محمود فؤاد
السبت2020/2/1
الساعة3:30صباحا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.