ما زلت اهواك
رغم الفراق المر
وانتظر لقياك
لو طال البعاد دهر
غزلت الكون كلام
شعر دهب حر
قلبك كان سجان
دخلت بطوعى اللمان
كتبت ع الحيطان
موال طول النهر
ناس سمعوه قالوا الله
وناس قالوا حرام
سهرت ليالى طوال
الليلة عرض شهر
أغنى موالى لحالى
اقول لوحدى الاه
الإخلاص عنوان بوحى
زى طير حر
نزلت سوق الهوى
اشترى وابيع شعرى
لا حد رق لحالى
ولا ادانى شوية صبر
رسمت بحروفى لحد
وكتب عليه اسمك
و ف طلعة الروح
اللون كان رسمك
دندن ف قلبى البوح
اللحن كان حكمك
آخر طلب ليا
كان انى اشوفك
ادخل انا اللحد
وتاخدى انتى حروفك
واستنى ف جنة الخلد
لمان تجينى روحك
استنى معاها واتهنى
وتفضل بواقى حروفى
مرسومة على ضروحك
يقرأها عاشق ولهان
مسكين كواه الهوى
يلاقى فيها الدوا
والنشوة والسلوى
يلعن ابو الفراق
ويترحم على روحنا سوا
........................................................................
فانتازيا الهوارى
الشاعر عبدالله الهوارى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.