قسمة و نصيب
.....................
كل جراح الدنيا طابت
وانت جرح لا يطيب
قلبى منك لسه واجع
أصله كان فاكرك حبيب
بالمكتوب خلاص رضينا
كل شئ قسمة ونصيب
كان هواك قلبى وروحى
ويوم لقاك أحلى عيد
كنت فاكرك بلسم جروحى
كل يوم الشوق يزيد
ليه غدرت بقلب حبك
ليه خليت النار تقيد
ياما ياما ظلمت قلبى
سهد الليالى وعذابى منك
تغضب اصالحك تستغنى عنى
فاكرنى مش هستغنى عنك
تهت وتاه العقل منى
كرهت خلاص قلبى اللى حبك
بكرة تشرب مُر كاسى
بكرة تشبع سهد ولهيب
نسيتك زى ماكنت ناسى
عمر الرايب مايرجع حليب
بالمكتوب خلاص رضينا
وكل شئ قسمة ونصيب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.