الشاعر مات
وحروفه ماشيه
فى جنازته
وسطوره وقلمه
ومحبرته
تندب فى سكات
بيوت الشعر
عامله صوان
بقوافى توصف
فى الاحزان
مرات بدموع
وكتير باهات
الوزن لقيته
متلغبط
والكفه مالت
واتخبط
فى بيوت
سكانها من الاموات
ماهو شاعر مات
من غير ثروه
غير الكلمات
مش لاقى حد
راح فى عزاه
غير بيت شاعر
والنعى كان
فى بحور ماضى
ملهاش اخر
اصبح ذكرى
ودفنوه بسكات
#عونى_هشام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.