*** الاسطوانة المشروخة***
===========
- معلشي أنا أصلي مقصر.
- ومشاغلي بيك تتأثر.
- مشغول أيا صاحبي ومش فاضي.
- ولعذري أكيد هتكون راضي.
- ونا أرضي بعذرك ليه يعنى.
- ما فراقك ما بقاش يوجعني.
- انا وانت زمان كنا أصحاب.
- وماكانش لقانا لأسباب.
- وكبرت .. وكبرت علينا.
- ولا مرة راح تسأل فينا.
- معلشي يا صاحبي ما بفيتشي.
- في هوايا كمان ما تأملشي.
- سلامات وتحية علي عيونك.
- ووداد لو عاد أصلي ما خونك.
- وتشوفنى تقولي انت واحشنى.
- وحش الأشغال بس حايشنى.
- حاشك ماحشاكش ماتنساشي.
- أعمال الدنيا ماتسواشي.
- نسيان العشرة والصاحب..
- عمر العملة ما بتتصاحب.
- ملعون مين باع الخلان.
- واهو بكرة المستور بيبان.
..................
شعر محمود فؤاد
الخميس 2016/2/11
الساعة 2:40 صباحا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.