ناس وناس
========= عونى هشام
يوم يعدي ............يجر يوم
ياما يكشف ......... من غيوم
ناس بتغرق .........ناس تعوم
وناس بتطلع............ للسحاب
ناس ما تعرف .........اي عيبه
وناس ماتنجر................. لغيبه
ناس ملاها........... الشعر شيبه
وكل واحد.............. له حساب
ناس تقع............... وناس تقوم
ناس تكمل ..........جوعها نوم
ناس حمام ..........وتانيه بوم
وناس تشوفها..... بريش غراب
ناس رابطها........... اصول وين
وناس ماتعرف............ اى دين
ناس قاتلها ...........زياده دين
وناس براسها......... العقل غاب
ناس بتاخد............. كل حاجه
ناس بتنقر ...........كالدجاجه
وناس ..........تلقاها بسذاجه
مايفيد معاها ........لوم عتاب
وأهى دنيا ..........ماشية بينا
ناس معانا ...........ناس علينا
وناس دموعها.......... من عنينا
ناس تُجازى...... ..وناس عقاب
يا الي فاكر ......يا اللي ناسي
ليه تفكر ......... فى المآسي
الزمان ............ لوحده آسي
بس انت......... امشي بحساب
كل واحد ..............له نهايه
تختلف ..............عن البدايه
لا الفقير ..........اختار لنفسه
ولا الغنى ........هو اللي جاب
اللي ناسي............... انه فاني
اللي فكرة............ يكون اناني
واللي همه.......يشوفني اعاني
اياك تاخد منهم ........صحاب
يا اللى ترمي الناس ....بطوب
اوع تنسى............ فيك عيوب
ارجع لربك............ فوق وتوب
تلاقى خير .......من الف باب
والعمر يوم.............. يجر يوم
ناس بتتمناه.................. يدوم
وناس قتلها.......... كتير هموم
وكله مكتوب ......فى الكتاب
================
#عونى_هشام
محفوظه وموثقه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.