**باختصار***
..................
- بكرة الحياة تبتسم.
- بكرة إللي راح يرجع.
- بكرة إللي كان بينا.
- أحضنا له توسع.
.........
- بكرة الببان تتفتح .
- علي كل طبع ولون.
- وإللي بقساوته ده كان.
- ع القلب يبقي حنون.
...........
- أنا إللي عشت زمان.
- ف الحيرة والآهه.
- مالقيتش فيك يا زمان.
- غير قولة الآهه.
...........
- وجعي عليك يا وجع.
- وف قايمة الأغراب.
- كتبت اسم الجدع.
- وما قلتش الأسباب.
...........
- ليه فوتنى للبكا.
- ودموعي سحاحة.
- ولا قلبي يوم اشتكي.
- ولا شفت فيك راحه.
............
- ماتسيبنى أعيش الحياه.
- واصاحب الفرحه.
- وكفاية قولة آه.
- أحزانا ليه سارحه.
.........
- بكرة الحياة تبتسم.
- وضحكتى ترجع.
- والفرحة فوق الوشوش.
- يافرحتى ترجع.
........
شعر / محمود فؤاد
الثلاثاء 2015/2/17
الساعة1.26 ظهرا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.