موال النصيب
======== بقلم عونى هشام
رسمت نفسى بالحروف موال
غنيته مرة لاهلى والمحاسيب
عاتبنى مره ومره شغل البال
ومرة قال ان اللقا دا نصيب
وعشان نصيبى كدا
رجعت بالموال تاه الحبايب
ملقيتش جنبى حبيب
ليه يا دنيا كدا وليه كل دا
معذبانه فى حضنك
ومغلبانه فى بعدك
سهرت وحدى اردد الموال
وشوش كتيرة ف سكتى
واتغير ...... الاحوال
لا الراكب فضل راكب
ولا كل من ركب الفرس خيال
رسمت اسمك ورسمك فى الكشوف
قلت اشوف حظى انا
لقيت النصيب مكيال
واهى دنيا متقدرة
تمشى لامام ترجع ورا
واحنا معاكى فى الوقفه والترحال
رحلتى عنا بعيد وتاهت المواعيد
ضاع اللى ضاع يادنيا
والباقى برضة نصيب
=========
#عونى_هشام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.