........حرف ورد بين..........
........ عونى هشام .......
والاستاذه راويه حسن على
=============
................. عونى
عاشقك انا
بكل اللغات والترجمه
عاشقك ومهما الوقت فات
حاسس بقلبك فيه انا
مقدرش اقول ضاع الحنان
عشت الضنى
انتى وانا
قلبين وروح
ونبض فيه كل الغنى
خليك هنا طب ليه تروح
ومين هايروينى بهنا
شفت الحياه
وياك نجاه
والقلب قال انتى المنى
منايا فيك مشتاق اليك
افرد ايديك تضمنا
احس بيك
واكتب اليك شعر وغنى
قرب هنا قرب هنا
===========
................ راويه
عاشقه وعمرى ماكنت ابيع
ابعد اخاف منى تضيع
حفضل معاك طول الحياه
ولايوم اخون ولايوم ابيع
عاشقه وقلبى من زمان
نفسه تحس ... انت بيه كمان
وتقوله ع الحب اللى كان
اصله ضعيف قدام عنيك
ويخاف يقول احلى الكلام
يتوه ويحلم يوم تعود
وتكون معاه لو فى المنام
عاشقه
وعمرى استنى يوم
تيجى تقولى كل يوم
انك هنا وحبك يدوم
قربنى منك
اقرا بعينك احلى الكلام
==============
................ عونى
قربنى منك قربنى منك
اروينى نفسى....... اتوه بفنك
حرفك جميل ماله مثيل
اياك فى يوم تبعدنى عنك
انت تهت منى اروح لمين
طب لك عليا الفين يمين
بحبك انت ومن سنين
خايف اقولك تسد ودنك
اسمع ياغالى عشق الليالى
اسهر وانا واخدك فى بالى
يوم قلبى حبك غيرت حالى
ودق قلبى شبيه بفنك
قرب ياغالى قرب ياغالى
=============
.................. راويه
قربت منك عشان بحبك
خلينى اعيش عمرى جنبك
روحى وعنيه يتمنوا قربك
قرب وقولى ماتخبى سرك
عايش عشان القلب رايدك
واتمنى اكون انا قد حبك
خايف تسيبنى من بعد حبى
وتقولى راجع الاقيك سايبنى
تهد فيه وانا دايما ابنى
وفى البعد عنك احلف مانابنى
الا الوجع والشوق تاعبنى
من بعدى عنك واتت سايبنى
خساره انى اخترت قلب
لاحس بيا ولاحضنه ساعنى
===========
.................... عونى
حرام عليكى ليه الاسيه
انتى فى عينى اجمل صبيه
هاروح لابوكى واطلب ايدكى
انا عشقى فيكى وانتى ف عنيه
يا راويه انتى اجمل هديه
شايفك بعينى كل اللى ليا
عمرى فداكى بسنين هديه
الشوق مالينى والعشق غيه
اياك تغيبى يوم عن عنيه
تعالى جنبى مااقدرش اخبى
معاكى قلبى وهو اللى ليا
معاكى قلبى وهو اللى ليا
===============
............... راويه
خلاص هاصدق انك رايدنى
وجنب قلبك عايز تاخدنى
والدنيا عندك انت وقلبى
واقول لابويا خلاص موافقه
واخويا عندك اليك ياخدنى
واهلى يباركوا والشوق حاضنى
وابقى فى بيتك وانت تعاهدنى
ولايوم اسيبك ولايوم تسيبنى
وايدى فى ايدك لحياتنا نبنى
لبكرة يجى ابنك وابنى
ده انت اللى واخد القلب منى
والعقل سارح والشوق واخدنى
كل امالى انت تعاهدنى
لا حد يدخل بينك وبينى
فى عشرة حلوه نحلم نغنى
فيها احلى وغنوه
=================
مع تحيات عونى هشام
راويه حسن على
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.