مين دا ؟؟؟؟
============ عونى هشام
حمار صحيح خلقتى
لكن الحمير ياما
عارف طريق سكتى
ولا قلت اه يانا
لكن حمير البشر
تعبانه ... . وجعانه
صوتى كمان منكر
ولا بشرب المنكر
ضهرى يشيل احمال
ولا بقرا فى الدفتر
لكن عقلى كبير
واخد البشر مشاوير
فى الروحه والجايه
وماعندهم ... تغيير
لا تلاقى فيه ثقافه
ولا حتى فاعل خير
سلام ..... ومايردش
وعقول بدون تفكير
مرة يقول التار
ومرة يقول العار
كان نفسى مرة يغار
ويبقى له تقدير
رجعت انا من الغيط
فى زريبه جنب البيت
لقيت الحمير ياما
من صنف تانى عبيط
وقفت فى مكانى
وركنت جنب الحيط
قرفونى ... بصراخهم
بزعيق وحبة صويت
فضلت .... اصالحهم
وشويه ..... احايلهم
قالولى روح ياحمار
وماكانش عندى خيار
غير انى اطاوعهم
تركت انا مكانى
ورجعت ... للمشاوير
قلت اعود تانى
يمكن حصل تغيير
لقيت فى الزريبه حمير
وعجبى
==========
#عونى_هشام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.