...ضحكة صافية
نفسى تطلع ضحكة صافية
نفسى اشوف فى عيونك فرحة
.اعمل ايه لاجل مااشوف ابتسامتك
طيب قولى محتاج لايه يهدى قلبك
من زمان شيفاك بتضحك والضحكة عالية
بس قلبى مش مصدق انها صافية
بتوزع ابتسامتك على الغريب والقريب
وانت جوا قلبك مستخبى شئ عجيب
حزن ممكن .الم جايز . يمكن غضب
ولو سألتك تضحك وتقولى هو قلقك
شيفاك بعين غير كل العيون جنبك
حساك بقلب سامع وشايف دمعتك
حاسس وشايف جوا العيون حيرتك
قولى اعمل ايه .احكى ياقلبى شكوتك
مين غيرى يقدر يدور فى سكتك
والا مين ياكل عمرى يمسح يوم دمعتك
حاسة وشايفة وعاجزة انى اشيل اوجاعك
ياما حاولت معاك تضحك وتقول اوهام
ادعيلى انتى وان شاء الله كله تمام
تزيد حيرتى واسكت عاجزة وكله الآم
آه ياقلب كله وجع ولسة ماشى بتبتسم.....E.N
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.