إعادة لنشر قصيدتي
القرايب
١٣. (القرايب)
في القرايب ظني خاب
وابتدينا في العذاب
واللى عامل نفسه موسى
التقيته في يوم غراب
**************
الغراب جوانا يدن
كل ليلة بالخراب
واحنا لما حاولنا نندم
ما التقينا غير سراب
*************
السراب بقي جوه روحنا
والشباب راح الشباب
لما سرقو في يوم فلوسنا
الحياة صبحت هباب
*****************
كحلونا بالهباب
نزلونا من السحاب
دمرونا وبايدينا
سلمونا للكلاب
****************
الكلاب اكلت طبيخنا
واحنا سفينا التراب
امتي ترجع لينا روحنا
امتي يجمعنا الحساب
******************
الحساب ولابد يجمع
كل من بدل وخاب
لما ربك لينا يجمع
كل واحد له كتاب
***************
الكتاب يشهد علينا
واللسان يبقي في ايدينا
كل هنشوفه بعينينا
لما يتشال الحجاب
لما يتشال الحجاب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.