يا ابن عمري
________
يا ابن عمري.. لية بتجرح بس فيا
تشخط... تشوح بالإيدين
وتقول خلاص..
مليش اهل ولا عزوه ولا حتي اخوااا تعيش معايا دنيتي
يسكن جوايا الألم....
والدموع تصبح ندم
تكوي الخدود من كتر حرقت قلبي من اسوتك
كنت بخبي دمعتي وضعفي ادامك كتير
قلبي بيبكي يا ابن عمري م الآنين
بعد التعب والهم بترد الجميل
انك تجافي حب أمك بالألم ونسيت حضنها الحنين المليان حب ودفا من غير غطا
قبل ميلادك كنت بجري ع الطبيب
وفرحت لما قالولي للخبر السعيد
وحملت فيك تسع شهور
بسهر ليالي كتير من الألم
لكن.. على قلبي كان سعد وهنا
عمري ما حاسيتك تقيل... دا كان سبب سعدي وفرحتي
يوم ميلادك يوم فرح
زينة. وسبوع. ويا المرح
وسهرت على راحتك سنين
من غير تعب. من غير آنين
كبرت ادامي هناااا وكان جوازك ياحبيبي يوم هنا
بس خلاص.
ياخسارة ع كل اللي فات
ضيعت عمري كله فداك
حبيت.. وقلت كان يوم جوازك يوم هنا
فرحتلك من قلبي انا
فجرحتني..... وبواحدة تانية بعتني
بدلت حبك بالآسي
ودعيت عليك ساعة مسا...
لكن قلبي قال بلاش دا شيطان دخل مابينك وبين ابن عمرك اللي جيه من اجل ينور دنيتك
قلبي الضعيف اللي حبك ودعالك بالهدى والسبات
لكن خلاص....
يابني حرام... اقرأ كتاب ربنا
وحديث رسولك العظيم
ردد لأمك ف الحديث وقال..
امك ثم امك ثم امك ثم من
وصي عليها رسولنا الحبيب
كرمها ربك ف الجنان
راجع حبيبي دنيتك
قبل فوات الآوان
ولما اموت....
هبكي على نفسي ونفسك كمان
وتعيش ندم كله آلم
ويا اللي جات وآستك عليه
قلبت موازين الهوي
هتعيش حبيبي بعلتك
وساعتها تبكي دنيتك
وتموت حبيبي بآهرتك
كلمة ياريت فعل شيطان .. ملهاش مكان
هيألمك توب الزمان
ويعذبك.. وهتجري ع قبري
وتبكي وتصرخ م الندم
تتمنى حضني ولو ليوم او ساعة زمن....
لكن خلاص بقيت عدم
هتعيش باقية عمرك كله ندم
إيمان ذهني
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.