عاشق هواك
................... عونى هشام
يمكن صحيح ... انا مش قمر
بكفايه اشوف انا .نفسى فيك
قلبى لين ... مش حجر
ونفسى نظرة ... من عنيك
لو كان وجودى ... فيه خطر
ابعد وقلبى ... هايناديك
حلمت بيك ... منذ الصغر
وكبرت روحى ... دايبه فيك
اياك فى يوم ..تيجى تتقمص
وتقول مليش .. انا دعوه بيك
طب ليه حابسنى. فى القفص
وتشوفنى بتغمض .... عنيك
معاليك بتهجر ...... حبنا
لو بعتنا ...... مين يشتريك
قرب تعالى ...... من هنا
سكنت قلبى مفيش شريك
هاوصل معاك ...... اخر مدى
لو حتى تهت .... فى الطريق
طيفك ...... هايبقالى الدوا
اشمه لو .... حصل لى ضيق
يمكن صحيح .... انا مش قمر
بكفايه اشوف .....نفسى بعنيك
نقشت اسمك ....... عالحجر
قام نطق .... انا روحى فيك
عمرى بهواك ..... بس ابتدى
والماضى مهما .... كان يكون
وصلت بيك .... اخر مدى
وحاضرنا بيك ... مليان شجون
اياك تقول ..... حبى انتهى
دا انا ببنى عش ... عشان اكون
وياك بنقطف ...... الندى
وقلبى دايما ... ليك حنون
ياريت ننول .... بعض الرضا
ياسلام على .... لغة العيون
من نظرة .... بنطير للفضا
والنجم حوالينا .... ف سكون
شفت الغيوم ..... جاية هنا
ولقيتنى خايف ..... م الظنون
الشك يغلب ........ صفونا
والغيرة تقلب .... . للجنون
عطشان بقالى ....... كام سنه
والشهد بايدك ..... الف لون
بلسم شفايفك فيه هنا مشتاق انا
والعشق فيه ......... كل الفنون
مابقتش اشوف .. من الحروف
غير حاء وباء ... جابوا الدوا
فى وصفة جمعت ...م الظروف
قلب .. م الحب .. انكوى
رتبت .. انا كل .. الكشوف
اتارينا .. دايبين .. فى الهوى
طب ليه الخجل ..وليه الكسوف
مادام هدفنا ..... نكون سوى
ليه العذاب .... القلب داب
فى لحظة طاح .... منى وهوى
لو كان فى باقى ... بعض خوف
عندى الامان .... حضنى الدوا
قلبى انشرح .... ليكى يانشراح
وكل ..يوم ...... وقت. الصباح
نفسه الرضا .... طالب السماح
راسم .... خياله ... نعيش هنا
غنيت.. معاك .... كل الحروف
وعملت ..... لحن .. معاه غنى
بالناى معاه .... بعض الدفوف
لقيت .... الحياه .... بتضمنا
اليوم خلاص .... مفيش كسوف
ولاعدش .... حد ..... يهمنا
انتى وانا .... نفضل نطوف
ويكون فى .... عش يلمنا
انتى..... وانا
...... .....
انا حلمى طال..... طول السنين
لكن الحنين .......زاد عندنا
فى الوحده ..... عايش بالانين
فى الغربه .... .. زايد دمعنا
ليه كل دا ......... انتى وانا
شوف كنا فين ...... وبقينا فين
ياريت معاد ........... يضمنا
ساعتها هانعيد ...... اللى راح
ويدوب ما بينا ..... فى حضننا
ويدوب مابينا ..... فى حضننا
----------------
#عونى_هشام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.