حرف ورد بين
الاستاذة منال النبوى
والفقير عونى هشام
===============
................. منال النبوى
انا مش هاقول إنت القمر
وعيونى سهرانه عليك
ولا نجم عشقاه فى السحر
ومنايا اوصل يوم إليك
بس الحقيقه إسمك ختر
على بالى فاتعلقت بيك
حسيت ساعتها بالخطر
و فى قلبى حاجه شايلها ليك
وقضيت حياتى فى السفر
بين الحنين ورموش عنيك
عصفور وساب وكره وهجر
يبحث عن السر اللى فيك
تايه هناك وسط الشجر
مهموم و دايب بيناديك
مروى بحنين شبه المطر
كل الحياه باعها وشاريك
______________________
###منال النبوى
===========
................... عونى هشام
يمكن صحيح انا مش قمر
بكفايه اشوف نفسى فيك
قلبى لين مش حجر
ونفسى نظرة من عنيك
لو كان وجودى فيه خطر
ابعد وقلبى هايناديك
حلمت بيك منذ الصغر
وكبرت روحى دايبه فيك
عصفور ومحبوس فى القفص
ونفسه ياكل من ايديك
عندى الكتاب مليان قصص
وحروفى كلها شوق اليك
معاليك بتهجر حبنا
لو بعتنا مين يشتريك
قرب تعالى من هنا
سكنت قلبى ماليك شريك
هاوصل معاك اخر مدى
لو حتى تهت فى الطريق
طيفك هايبقالى الدوا
اشمه لو حصل لى ضيق
يمكن صحيح انا مش قمر
بكفايه اشوف نفسى بعنيك
نقشت اسمك عالحجر
قام نطق انا روحى فيك
---------------------
#عونى_هشام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.