أنا دايما عايش
ف الدنيا على حدودها
بخاف من شوكها وورودها
ولا عمرى جربت أدخل فيها
مع إن لى" فيها ألف صديق
فيهم اللى بلاقيه ساعة الضيق
وده شىء طبيعى ووارد
الاقى سخيف وكمان بارد
واحد قالى ياعم سيبك
هى أمته كانت سهله ومنطقيه
لجل تديك اللجام
الدنيا كلها مناقره وغبيه
فرسه جامحه ترميك والسلام
كم صديق ف الغربه جالك
سأل يوم أو حس بيك
كم واحد ف المحنه شالك
دايما كت مادد له إيديك
بس أقولك جرب تانى تعيش
ونصيحه اوعى تكون درويش
لجل مش هيقولوا عليك طيب
طاهر وقلبه من جوه نضيف
هيقولوا أهبل وعقله خفيف
.................................................. ثروت مندور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.