أكتفيت من كل حاجة فى الحياه بقلم الشاعر / السفير محمد لبيب مصيلحى

أكتفيت من كل حاجة فى الحياه..

حتى من إسمك انتى...

كفايه من الألم والأنين لما قولت انك حبيبتى...

طالبة الفراق مع السلامة...

حتى لو فى قتلى الملامة...

يكفينى ذكرى كنتى بتعيشى فيها جوه نبضى...

إكتفيت من الحزن والدموع...

وقررت أعيش لوحدى بدون خداع أو جروح..

والقلب اللى حبك سنين واداكى كل الحنين..

وفى لحظة بعتيه بالرخيص..

إستحالة يطلب رجوع...

إكتفيت من شغل الخصام...

ورميت عليكى السلام..

كفايه حب وعتاب...

حرام بقى أعيد فى الكلام...

وأن كنت فى يوم ظلمتك..

كان عشمى تقول سامحتك..

مش تقتل بسكينه باردة ...

وتظهر كل قساوتك...

قلبى هاقتله بين ضلوعى...

وهانزع من النبض شوقى..

وهادعى ربى يسامحك....

على كل المى وجروحى...

إكتفيت بقى من الغباء...

وهامسح من قلبى النساء..

بلا حب بلا وجع دماغ..

بلا لعب بيا بدهاء..

.........................

محمد لبيب مصيلحى