انا خايف موج الليل يغرق فى سواد الرحلة بدون مركب
او شمس نهار تطلع تحرق فدادين الراحة فى المغرب
يا ما الأطفال لعبت عنكب نطت تركب
وقفت كبرت حلفت تهرب جريت تلحق قال تتغرب
ورمت أحلامها بتتكهرب ردت تخرب
أما القالب فبناقص منه
كان يوم شاهد ف جدار مايل
واحنا نحايل نعدل سنه
يعو ج اكتر لما اتبعتر على داير قالب
ربك غالب
الليل عفريت يشبه طوله
والسم المنقوع مدلوله هما قالوا له
احلب محلوب وكن الحالب
يا بخت المغلوب مش غالب
هي بات مسكين مغروز فى الطين
فدادين الراحة المنفاته
دوار الباحة
وشحاته شيخ خفر الناحية
وبهانة و سطوح الدار
والتور الداير ف الساقيه
دكانة الخيبه على الناصيه بتبيع البن
سجرات الحنه كانت عاصيه على بنت تحن
ترسم ورده فرحة وشاردة ف عيون بتئن
مصطفى قمر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.