رسالة شهيد
هبدا كلامي بكلمة ليكي
مش عاوز اشوف دمعه في عنيكي
وأنا راجعلك ملفوف في كفني
ادعي وخوديني ما بين أديكي
قولي لحبيبتي هتوحشيني
يا كل عمري وضي عيني
قولي لحبيبتي افرحي
عشان في قبري تريحيني
إما صحابي فدول قوللهم
روحي معاهم ومش هسيبهم
هما اكيد مش هيشفوني
بس انا هبقي شايفهم
قولي لخويا اخوك شهيد
ومتنكسرشي خليك سعيد
أخوك في جنه رب العباد
يعني قريب مش بعيد
قولي لحبيبتي هتوحشيني
يا كل عمري وضي عيني
قولي لحبيبتي إفرحي
عشان في قبري تريحيني
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.