عبد عقلك
كلمات مرفت جابر
...........
طول ما عقلك مش مصدّق
إن قلبي أوفى قلب
تبقى مش عارف تحب
يبقى قلبك نبضه زينه
بحري مش محتاج سفينه
برّي مش محتاج سباحه
قلبي فيه أكبر مساحه
لانفجار الشوق شروق
نوري مخلوق للوضوء
حضني مخلوق للربيع
إوعى يوم عن يوم تضيع
بانسحابك م الميدان
حبّي ما يحبش جبان
والغرام مافيهوش هزيمه
طول ما عقلك مش مصدّق
مش ح يبقالك عزيمه
ترتكب أكبر جريمه
والمحاكمه مش ف صالحك
رح تعيش مسجون ف نفسك
جوّه سجن مالوش حدود
مش ح تاخد م الورود
إلا نغزة سن شوكها
نظرتك فيها ارتباكها
يبقى خلّيك زي ما انت
كل يوم ح تخس حتّه
كل ساعه تكون ف حاله
ربما تعيش بين جراحك
والدموع تصبح كماله
أو تكون ف الضل عاله
ع النهار اللي انت فيه
شوف ح تخسر قد إيه
طول حياتك م الحياه
رح تشوف الفرح جارك
وتلاقيه ف ثواني تاه
والنجوم ح تسيب مدارك
تمشي عكس الإتجاه
والضلام مفتوح مداه
وبإيديه دايما محاوطك
م انت قلبك عبد عقلك
وانت عقلك مش مصدّق
وان حاولت ف لحظه تبدأ
رح تكون ...
بعد النهايه
..................................
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.