مرايتى
بحب مرايتى وطــلّتها
غاويه تاخدنى لدنيتها
ودى دنيتها غير الدنيا
والشوق كل غـــايتها
..
سحــــرنى الضى بعيونها
ويوصف شعرى محاسنها
غزلت من الحروف تعويذه
لقيتها قصادى و بروحها
..
وملامحى تدوب ف معالمها
و تفاصيلى فى تفاصيلها
رموشها سهام تحاوطنى
والعشق عشقته ف سجونها
..
ليالى سهرت أسمعها
بتشكى ليّا اوجاعها
عليها أرد واطبطب
وازيح الجرح عن روحها
..
ولما الشوق غزا جفونها
وفردت فى الهوى قلوعها
وسحرى ماعادش يلزمها
نسيت ايدى اللى ضمتها
..
هجرتنى وجرحى كان بأديها
وقلبى بينزف من خطاويها
وكل ما تبعد عنى بخطوه
شوقى إليها كان يناديها
..
سهرت ابكى لياليها
وازاى الغدر طاب ليها
وبتوب الحزن لفتنى
وحروف الغدر تحكيها
..
وفات العمر وفاكرها
وشيبتى فيها تفاصيلها
وقلبى يعزف على عودى
حكايتى يقولها ويعيدها
..
ونادى عليّا عصفورها
وقال انكسر عودها
وراجعه تبكى بعيونها
ليالى العمر خسرتها
..
من بعد سكوتى قلبى نطقها
وبصوته العالى قاللى رافضها
قال مستحيل ارجع اصدقها
و عيونى حلفت ماتشوفها
أسماء محمد محمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.