مكسور قلبي
كان عندي شعر وشاب
فعملت منه خيوط
كان عندي صاحب ساب
علي غلطه بنت بنوت
كان فيا رف دولاب
للذكريات محطوط
انا ليا حبل وداب
لاكن ما زال مربوط
انا ليا تسعه رفاق
اتنين ونص هـــــزار
وتنين ونص سكوت
اتنين مفيش وتمام
واتنين بواقي دموع
انا كل اما بعزف دلع
يطلع نغم موجوع
تسالني عن فرحتي
اكتر مباح ممنوع
تسالني عن ضحكتي
فبغير الموضوع
عارف طريق سكتي
لاكن في مسيري هتوه
انا ليا جزء طبيب
رافض يعالج اخوه
انا في جزء عليل
بكتريا ناس فارقوه
يا الي انت عندك وجع
انا عندي منه كتير
ويــايا صحبه وعدد
ذي الخيوط في حصير
امـــــنعت نن النظر
فرتد ليا حصير
مديت شعاع البصر
فرتد ليا بصير
انا ليا شيخ كداب
من جمله الضاليين
قالي الي ســــــــابك خسر
وانت اكتر الفايزين
فتـــــــوايا بالمختصر
انا كان سليم وانكسر
انا فيا فتحة باب
للماره والفايتين
#الشاعر_احمد_ذكي_خليل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.