كنت بتمنى وانا
ف عز الألم تسمعينى
ما أنا ليكى الضهر والسند
يا حلم الماضى
ووجع النهارده
والخوف من بكره
طب على فكره
أنا عمرى ف يوم ما زعلتك
ولا اتكلمتى وما سمعتك
وكت بحضن كل فرحك
مع إن الألم حاضنى
وف عز الخصام
كت اتمنى أسمع صوتك
أو حتى نبض حروفك
انت إيه.... يا جبروتك
مع إنك لسه صغيره
بس كبيره ف العناد
لما تغضبى يبقى جواك حرب
وصباعك دايما ع الزناد
يا قسوتك.......
على قلبى الحنون
أنا ايه....... أكون
وإنت نقطة ضعفى
لما عنيكى تبكى
دمعك ف القلب نار
يا قدرى.......
مش ممكن أتخلى عنك
ولا املك حتى الاختيار....
دا شرايينى مربوطه بيكى
وأنت ليه السكن والدار
.......................................... ثروت مندور
بالتوفيق شاعرنا الخلوق المحترم الأستاذ ثروت مندور
ردحذف