#نص_جديد
يا محمل الجوابات بالله متتاخر
وامانة تنجزني وصل رسالتي هناك
نص الرسالة حزين مكتوب بحبر احمر
الحبر كان دمي والنص كان اشواك
النص كله عبارة عن عتابات
مين اللي مات فينا مين اللي باقي وحي
عشنا السنين حالمين نعيش بكرة
بكرة اللي كان حلمنا اهو بكرة راح مش جي
مين السبب ف الوجع
وازاي مكملناش
ازاي نبيع حبنا
صونا وما اتصناش
كل اللي راحو بلاش
مظاليم ف بحر الغدر
كل اللي بان ف الكدر
باعو الحنين ببلاش
الصورة متبروزة
واللقطة كات واضحة
بنخبي لي ف حزننا
واحنا العيون فاضحة
من كتر جرحي نزفت
ولكني مركعتش
والدمعة جوه ف عيني
بايديا بحبسها
كتر البلاء بغباء
هز الشجيع فيا
ف اسأل في نفسي انا ايه
يا هل ترا ميت يا هل ترا لسه
دقت سعات الوجع
من بعد نص الليل
دقت سعات الويل
دقت سعات الالم
والحزن والكسرة
دقت سعات حسرة
ع ناس باعونا بلاش
ع حب ما استناش
وقت المحن باعنا
يا خسارة علي احلام
كانت الحكاية كلام
لكن بدون معني
طب ايه هيمنعنا
نبكي ونتألم
وبدون ما نتكلم
الدنيا تسمعنا
نحكيلها اوجاعنا
طب ايه هيمنعنا
نحكيلها بالتفصيل
بدموع ك بحر تسيل
محتاجة كام منديل
يمسح وميكفيش
يا خسارة ع احضان
قولنا ان هي امان
طلعت كما البركان
طلعت ما بتقضيش
بامانة صعب اعيش
مع قلب باع قلبي
الذنب مش ذنبي
الذنب كان منها
وانا قلبي كان غلطان
اول لقانا زمان
ساب ايدي ترسمها
زي الملاك لكن
طلعت يا قلبي شيطان
كل اللي كان ذكرة
بيجول في عقلي الحين
ازاي هعيش عادي
وازاي ما اكونش حزين
والوقت ماشي بطيئ
والقلب حس بضيق
والعقل تاه واحتار
مين اللي جار ع مين
بنت الحلال حبها
يا خسارة كان زايف
وانا قلبي مش خايف
ولا عمره كان مسكين
كل الحكاية اهو عاش
مع قلب باع ببلاش
الكف كان اشواك
والحضن كان سكاكين
قلب الولد
قلب الولد مكسور ومخبي ومداري
كان الغرام مذهبه كان الحنين مثله
بعتيه يا غالية لشخص قالك كلام. عجبك
ملعون وكان راشش فوق الكلام عسله
والسم لما يدوب جوه العصير بيبوش
ميبنش منه يدوب غير بس تفعيله
والقلب لما يكون ميت يكون صحبه
زي الجماد مركون بنحطه ونشيله
💔💔💔💔💔
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.