مبتلى بالحب لكن
فيه غلال بتأيده
كان مصمم ليه يعافر
وهيا غاويه تهدده
شال طموحه وقال يسافر
وهيا لسه بالهموم بتزوده
كاسره روحه
كاتمه نوحه
بدرت السم في جروحه
قال ومالوا برضوا راضي
دورها كان سجان ودوره
كان سجين وبرضو قاضى
انجرح ومكنش جارح
وف مزاد الدنيا سارح
لف دار كل المطارح
كان مقدم فيه مشاعره
وانه راجل ابن راجل
كل قوله قد فعله
وان عزمه من حديد
بس نفسه الكون يساعله
واما بدأ العرض قال
الا اونا... انا ابن النيل
الا دو... اسمر وجميل
الا ترى... مين هيقول ديل
كان كأنه خيال مأته
في المزاد كان له بديل
منى فؤاد 💙
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.